Контрола на автопатот Скопје-Велес откри 205 парчиња муниција во багажник на автомобил

СВР Велес поднесе кривична пријава против 60-годишен жител на Велес, поради постоење основи на сомнение за неовластено изработување, држење, посредување и тргување со оружје или распрскувачки материи.

— реклама —

Како што информира МВР, на 2 септември 2026 година, полициски службеници извршиле контрола на патничко возило „ауди“ на автопатот Скопје-Велес, кое го управувал Л.Б. (60).

— реклама —

— реклама —

При контролата, во багажниот простор на возилото биле пронајдени и одземени 205 парчиња муниција.

— реклама —

Против Л.Б. е поднесена кривична пријава поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“.