Политикологот и ексновинар, Јорданка Ивановска-Јоци, на својот фејсбук профил прогнозира дека доколку се рашири коронавирусот, предвремените парламентарни избори кои се веќе закажани, ќе бидат одложени. Таа смета дека е прашање на денови дали и кога вирусот ќе се рашири во нашата држава, имајќи го во превид фактот дека има голема фреквенција на луѓе кои го посетуваат јужниот сосед и се враќаат назад.
„Корона во Грција. Прашање на денови е дали и кај нас, со оглед дека фреквенцијата на наши луѓе секој ден е голема кон соседот. И обратно. Ни избори ќе се видат, ни ништо, ако не дај боже, се рашири“, пишува Јоци.
https://www.facebook.com/joci.jocik/posts/10221332566043573
Простор за паника од корона вирусот во земјава не постои, но ќе се преземат превентивни мерки и од утре ќе се скенираат со термална камера патниците на летовите од Истанубл и Дубаи, кои имаат врска со регионот во Кина каде е жариштето на овој вирус. Ова е заклучокот на Комисијата за заразни болести, што го соопшти министерот за здравство Венко Филипче.
