Косел трева со косилка, па предизвикал пожар што зафатил куќа

Против 38-годишен жител на Македонски Брод е поднесена кривична пријава поради сомнение за предизвикување општа опасност, откако при косење трева избил пожар во селото Брезница.

— реклама —

Според информациите од Министерството за внатрешни работи, инцидентот се случил на 5 септември 2026 година, кога мажот косел трева околу својата куќа. Од искрење од моторот на косилката настанал пожар, кој зафатил површина од околу 2.000 квадратни метри.

— реклама —

— реклама —

Во пожарот била зафатена куќа, а целосно изгорел и просторот во кој се чувале дрва, сопственост на Б.М. Опожарен бил и столб со електрична инсталација.

— реклама —

Надворешната канцеларија за криминалистички работи Македонски Брод поднела кривична пријава против М.Т. (38) поради постоење основи на сомнение за сторено кривично дело „предизвикување општа опасност“.