Косовски вицепремиер: Србија не се залага за мир, туку поттикнува војни

Косовскиот вицепремиер Енвер Хоџај, во реакција по повод вчерашната парада на српската војска во Ниш, го обвини Белград за провокација кон Косово, но и кон другите соседи, јави дописникот на МИА од Приштина.

— реклама —

Хоџај на својот Твитер напиша дека воената парада претставува јасен доказ оти Белград не се залага за мир, туку поттикнува војни.

— реклама —

– Вучиќ игра опасни игри. Тој ги собра воените злосторници во Ниш, на воена парада со руско оружје во близина на нашата граница. Ова не е само закана кон Косово, туку и кон другите соседи. Тоа е јасен доказ дека Србија не е земја која сака мир, туку нација која поттикнува војни, напиша Хоџај.

— реклама —

На командувањето на парадата во Ниш од страна на генералот Владимир Лазаревиќ, кој е осуден од Трибуналот во Хаг на 14 години затвор, од кои одлежа 10, реагираше и амбасадорот на Соединетите Американски Држави во Србија, Кајл Скот.

– Срамно е еден осуден воен злосторник да маршира пред тие кои им оддаваат почит на сојузниците кои ги загубија животите борејќи се за правда и мир во Европа, порача Скот преку Твитер.