Врвните национални и државни интереси се остваруваат, Република Северна Македонија станува 30 земја членка на НАТО.
Вчера, Чешка и Турција го ратификуваа Протоколот за пристапување на нашата земја во НАТО Алијансата. Досега 20 земји челнки од вкупно 29 го ратификуваа Протоколот и дадоа зелено светло за пристапување на нашата земја во најмоќниот безбедносен сојуз на светот, истакна на Прес конференција, Костадин Костадинов, портпарол и пратеник на СДСМ.
Со ваквото темпо на ратификација очекувано е до крајот на годината и официјално да станеме членка на НАТО и нашето знаме да се вее пред седиштето во Брисел. Еве што значат телефонските разговори и личните средби на премиерот Зоран Заев со светските државници. Ете ги резултатите од одговорното, чесното и транспарентно работење на Владата и парламентарното мнозинство предводени од СДСМ. Ете од каде се фрустрациите кај Мицкоски, од успехот на Зоран Заев.
Додека фрустрираниот Христијан Мицкоски дејствува против државните интереси, премиерот Зоран Заев ги брани националните и државни интереси. Додека ВМРО-ДПМНЕ ги кочи и процесите и напредокот, СДСМ дејсвува и се залага напредокот да продолжи. Членството во НАТО е извесно и сигурно. Тоа е важно за безбедноста и стабилноста на државата, но и на регионот. Но освен безбедност и стабилност, членството во НАТО носи и бројни економски придобивки.
Имаме рекордно ниво на странски директни инвестиции од 737 милиони долари, имаме зголемување за 200 проценти на грин филд инвестициите. Со членството во НАТО очекувано е инвестициите да продолжат да растат.
Имаме рекордно ниска невработеност во државата од 17,8 проценти, со членството во НАТО невработеноста дополнитено се намалува, а економијата забрзано да расте и да се развива. Зборот важи. По години изолација, ја вративме државата на вистнскиот пат, на патот кој води кон членство во НАТО и интеграција во ЕУ, истакна Костадинов.