Костовски му одговори на Села: „Во Бутел нема место за бандити“

Градоначалникот на Бутел, Дарко Костовски, реагираше на објавата на Зијадин Села, во која тој напишал дека Бутел бил следен, упатувајќи му порака дека општината нема да биде освоена со закани и уцени.

— реклама —

„Да, следен уште потежок нокаут од кој што свират ушите шест месеци! Бутел не е плен, ниту има место за бандити што хараат и секој зелен агол го гледаат како нова зграда“, напиша Костовски.

— реклама —

— реклама —

Тој порача дека жителите на Бутел не ги прифаќаат уцените и заканите, додавајќи дека иселениците нема да се вратат само за да ги поддржат, како што ги нарече, „вечните политичари и лидери“.

Костовски наведе дека во минатото во населбите недостигале основни услови, како вода за пиење, асфалтирани улици, градинки, училишта и паркови, а посочи дека сега се градат.

„Експресниот развој на општина Бутел секако нема да биде спречен од луѓе со манири од 19 век. Најважно, математика многу слабо. Многу!“, порача Костовски.