Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

Ковачевски: Приоритет на Владата е осовременувањето и подобрување на условите во здравствениот систем

Скопје1.мк's avatar
Автор: Скопје1.мк

објавено пред 4 години -

Македонија
07042022__PVRSM_poseta_Onkologija_6

По повод одбележувањето на Светскиот ден на здравјето - 7 Април, претседателот на Владата на Република Северна Македонија, Димитар Ковачевски заедно со првиот вицепремиер и министер за политички системи и односи меѓу заедниците, Артан Груби, и министерот за здравство Беким Сали, го посетија целосно реновираниот Оддел за онкологија на ЈЗУ Универзитетската клиника за детски болести во рамки на Клиничкиот комплекс „Мајка Тереза“.

— реклама —

„Овој модернизиран капацитет значи подобра услуга за пациентите, задоволни здравствени работници и уште повеќе излекувани деца. Ова Одделение за онкологија, претставува огромна надеж за победа за сите деца-херои, кои се соочуваат со подмолни малигни болести. Целта е да продолжиме да бидеме дел од трендот кој покажува дека канцерот може да се победи, преку раната детекција, навремената реакција и соодветното лекување”, рече премиерот Ковачевски.

— реклама —

Според опремата и капацитетите на одделението, овој Оддел е единствен од ваков тип оддели во земјата, со интенција да прерасне во Регионален центар за лекување на деца со канцер, каде ќе се лекуваат деца од земјава, Косово и Србија.

Премиерот Ковачевски изрази благодарност до компанијата АД „Макстил“ која со донација од 250 илјади евра покажа општествена одговорност и лојалност кон заедницата.

— реклама —

Премиерот Ковачевски истакна дека во врвот на приоритети на Владата е осовременувањето и подобрување на условите во здравствениот систем, со што за секој граѓанин се обезбедува еднаков пристап до квалитетни здравствени услуги. Крајната цел е да се искоренат различни болести и намалување на морбидитетот и морталитетот, како и преземање мерки и активности за превенција.

— реклама —

„Нека е честит Светскиот ден на здравјето! Честитки до сите оние кои се вклучени во подигањето на свеста, дека најважно е постојано да го градиме и подобруваме квалитетот на нашиот живот и животот на нашите деца”, рече премиерот Ковачевски.

Сподели

Сподели
Сподели
Сподели
Сподели
Сподели
Сподели
Сподели како слика
Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања