Мали компании кои имаат бензиски пумпи се воени профитери, за премиерот Димитар Ковачевски. Тој пред новинарите посочи дека нафта има, не посочи колку и до кога. Според него, постои криза, но Македонија се справува со истата. Порача граѓаните да не паничат.
„Тоа вчера беше направено од помали продавачи на нафтени деривати кои ограничија колични од шпекулативи причини што јас го израмнувам со воено профитерство. Проблем со нафтени деривати нема да има. Во однос на економските движења, Европа и светот, особено Европа е во една во најголема криза, а тоа го покажуваат движењата на берзите на стоки. Владата е посветена на одржување на стабилна фискална политика. Воведуваме нова методологија на пензии, со тоа го потврдуваме ова. Стоковите резерви се на ниво кога обезбедуваат непречено храна“, кажа Ковачевски.
