Крадец провалил во кафуле во Германија, но не ја допрел касата – украл торта и сладолед

Необична кражба се случила во кафуле во германскиот град Бад Залцуфлен. Непознат крадец провалил во објектот, но наместо пари од касата, со себе однел торта и две пакувања сладолед.

Провалата се случила во ноќта меѓу петок и сабота, околу 2:30 часот, во кафуле на улицата Паркштрасе, во непосредна близина на градскиот бањски парк.

— реклама —

Од полицијата во Липе соопштиле дека провалникот од кафулето однел „необичен плен“ – една торта и две кутии сладолед.

— реклама —

Според германската агенција ДПА, крадецот воопшто не се обидел да ја отвори касата, туку се заинтересирал само за слатките.

Откако ги зел тортата и сладоледот, побегнал од местото.

— реклама —

Полицијата засега не знае зошто провалникот се решил токму на ваков плен.

„Не знаеме дали намерно тргнал по слаткиот плен или едноставно го фатилo глад за време на провалата“, изјавил портпарол на полицијата за ДПА.

Полицијата продолжува да трага по сторителот и ги повикува сите кои во моментот на провалата забележале нешто сомнително да се јават и да помогнат во истрагата.