Скопјанец е лишен од слобода по пријава за две тешки кражби на пригушници од железничката пруга, соопшти Министерството за внатрешни работи.
Полициски службеници од СВР Скопје на 3 септември го привеле З.С. (45) од Скопје во Полициската станица Аеродром. Според пријавата, кражбите биле извршени на две различни локации – едната на подрачјето на ПС Аеродром, а другата на подрачјето на ПС Драчево.
По пријавувањето на случаите, полицијата презела мерки и активности за нивно расчистување, при што украдените пригушници биле пронајдени и вратени на сопственикот, „Железници на РСМ“.
Од МВР информираат дека по целосното расчистување и документирање на случајот, против лицето ќе биде поднесена соодветна пријава.
