Крадел производи во продажен објект на Бит Пазар, па го нападнал вработениот кој се обидел да го спречи

Полицијата лишила од слобода 30-годишен скопјанец, кој се сомничи дека одзел производи од продажен објект на подрачјето на Бит Пазар, а потоа физички го нападнал вработениот кој се обидел да го спречи.

— реклама —

Како што соопшти МВР, на 5 октомври во 21:10 часот полициски службеници од СВР Скопје го лишиле од слобода Х.Ј. (30) од Скопје.

— реклама —

— реклама —

Според пријавеното, тој претходно одзел производи во продажен објект, по што бил забележан од вработениот. Кога вработениот се обидел да го спречи, Х.Ј. физички го нападнал.

По целосното документирање на случајот, Единицата за внатрешни работи Центар и Бит Пазар при СВР Скопје ќе поднесе кривична пријава против него поради постоење основи на сомнение за сторено кривично дело „разбојничка кражба“ по член 238 од Кривичниот законик.