Крадел струја со премостена мерна опрема, направил штета од над 180 илјади денари

Надворешната канцеларија за криминалистички работи Виница поднела кривична пријава против 41-годишен жител на Виница поради сомнение за кражба на електрична енергија.

— реклама —

Според МВР, против В.М. (41) е поднесена пријава за сторено кривично дело „кражба на електрична енергија, топлинска енергија или природен гас“.

— реклама —

— реклама —

Пријавениот, како што е наведено, во Виница извршил премостување на мерната опрема, со што преземал делумно или целосно нерегистрирана количина електрична енергија.

— реклама —

Со тоа, според пријавата, на „Електродистрибуција ДООЕЛ Скопје“ ѝ нанел материјална штета во вкупен износ од 181.972 денари.