Кражба во црква кај Крива Паланка, украдени пари и бакарен котел

Непознат сторител провалил во црква во селото Трново, кривопаланечко, од каде одзел пари и бакарен котел, информираат од Министерството за внатрешни работи.

— реклама —

— реклама —

Според МВР, кражбата била пријавена на 2 август во 7:54 часот, а се случила во периодот меѓу 1 и 2 август. Сторителот влегол во црквата со употреба на сила, по што ги одзел парите и бакарниот котел.

— реклама —

— реклама —

Увид на местото извршила екипа од ОВР Крива Паланка, а полицијата презема мерки за пронаоѓање на сторителот и целосно расчистување на случајот.