Кражба на ореви и бадеми во Кавадарци, следуваат кривични пријави

Двајца мажи од Кавадаречко биле лишени од слобода под сомнение дека украле поголема количина ореви од нива во сопственост на правно лице, а полицијата разговарала и со уште едно лице осомничено за кражба на бадеми.

— реклама —

Според информациите од Министерството за внатрешни работи, на 8 октомври во 13:30 часот, полициски службеници од ОВР Кавадарци ги лишиле од слобода С.Ј. (64) од селото Марена и И.Б. (57) од селото Мајден. Тие се сомничат дека од нива на местото викано „Краиште“ одзеле поголема количина ореви.

— реклама —

— реклама —

Истиот ден, полицијата извршила службен разговор со О.С. (59) од Кавадарци, кој се сомничи дека од нива во местото викано „Белград“, исто така во сопственост на правно лице, одзел бадеми.

— реклама —

Одземените земјоделски производи биле пронајдени и вратени на сопствениците. По целосното документирање на случаите, против осомничените ќе бидат поднесени соодветни пријави.