Кражби во тетовско: четворица уапсеи, пронајдени оружје, муниција, две возила и украдени предмети

Полицијата расчисти повеќе случаи на кражби и тешки кражби во тетовскиот регион, при што се лишени од слобода четири лица, соопшти Министерството за внатрешни работи.

— реклама —

На 19 септември во Тетово биле приведени С.У. (26) од Долно Палчиште и А.Е. (34) од Липково, поради сомнение дека сториле кривични дела „кражба“ и „тешка кражба“. Од А.Е. било одземено патничко возило „ауди“ со кумановски регистарски ознаки.

— реклама —

Во рамки на полициските активности, на повеќе локации во Камењане и Палчиште биле пронајдени и одземени ловечка пушка и ловечки карабин, поголема количина муниција и патрони со различен калибар, како и повеќе предмети за кои постои сомнение дека потекнуваат од кривичните дела.

Истиот ден, по судска наредба, бил извршен претрес во дом и помошни простории на Б.У. (26) од Долно Палчиште, кој потоа бил лишен од слобода.

— реклама —

Во продолжение на истрагата, на 20 септември во Полициската станица Тетово бил задржан и А.А. (34) од Отља, липковско, кој претходно бил лишен од слобода од полициски службеници од СВР Куманово. Од него било одземено патничко возило „фолксваген поло“ со кумановски регистарски ознаки.

— реклама —

Четворицата се задржани во полициска станица. По целосното документирање на случаите, против нив ќе бидат поднесени соодветни пријави.