Кривична за две лица за пукањето на Пластичарска, во кое загина 26-годишник

МВР поднесе кривична пријава против две лица во врска со убиството на 26-годишниот А.М. од Скопје, кој беше застрелан во близина на раскрсницата на улиците „Прохор Пчински“ и „Војдан Чернодрински“.

— реклама —

Единицата за насилен криминал – Одделението за крвни и сексуални деликти при СВР Скопје, по преземените мерки и активности, до Основното јавно обвинителство Скопје поднесе кривична пријава против Р.К. и И.С. поради постоење основано сомнение за сторено кривично дело „убиство“.

— реклама —

Случајот се однесува на настанот од 6 септември, околу 23:30 часот, кога од мотоцикл на кој имало две лица било пукано со огнено оружје кон група лица.

— реклама —

Во престрелката бил погоден А.М. (26) од Скопје. Тој со возило на Итната медицинска помош бил пренесен во Комплексот клиники „Мајка Тереза“, каде што починал.

— реклама —

За случајот е поднесена кривична пријава против Р.К. и И.С., а натамошната постапка ја презема надлежното јавно обвинителство.