Кривична за градоначалникот на Струга: незаконски разрешил директор на основно општинско училиште и назначил ново лице кое не ги исполнува целосно условите

ОВР Струга поднесе кривична пријава против 66-годишен жител на селото Биџево, кој е актуелен градоначалник на Општина Струга, поради сомнение за злоупотреба на службената положба и овластување.

— реклама —

Според МВР, против М.Ќ. е поднесена пријава за кривично дело по член 353 од Кривичниот законик. Тој, како градоначалник на Општина Струга, донел одлука со која, спротивно на одредбите од Законот за основното образование, незаконски разрешил директор на едно основно општинско училиште.

— реклама —

По разрешувањето, според пријавата, на функцијата в.д. директор бил назначен друг човек, иако градоначалникот знаел дека новоназначеното лице не ги исполнува целосно условите предвидени со член 118 од Законот за основното образование.

— реклама —

Неправилностите, како што информира МВР, биле утврдени и при инспекцискиот надзор извршен од Државниот просветен инспекторат.

— реклама —

Пријавата е поднесена поради постоење основи на сомнение за сторено кривично дело, а не претставува утврдување на вина.