Кривична за Кочанец: Тропал на нејзината врата и ѝ испраќал заканувачки пораки по расправија за сообраќаен прекршок

Расправија околу сообраќаен прекршок прераснала во закани кон 44-годишна жена од Делчево, по што против 40-годишен маж од Кочани била поднесена кривична пријава.

— реклама —

Според информациите од Министерството за внатрешни работи, инцидентот се случил на 7 ноември, околу 14:30 часот, по претходно недоразбирање меѓу двајцата.

— реклама —

— реклама —

Мажот најпрво се однесувал агресивно кон жената, а потоа отишол пред нејзиниот стан, тропал на вратата и ѝ упатувал закани. Во неколку наврати ѝ испратил и СМС-пораки со заканувачка содржина.

— реклама —

Надворешната канцеларија за криминалистички работи Делчево поднела кривична пријава против него за загрозување на сигурноста.