Кривична за поранешен директор на шумско стопанство во Свети Николе, склучувал договори за продажба на дрва без постапка

Надворешната канцеларија за криминалистички работи во Свети Николе поднела кривична пријава против 62-годишниот Б.И. од Свети Николе поради сомнение за злоупотреба на службената положба и овластување, соопшти Министерството за внатрешни работи.

— реклама —

Според пријавата, тој во својство на директор на подружницата „Шумарство“ – Свети Николе, при ЈП „Национални шуми“, во периодот од јули до ноември 2023 година склучил три договори за купопродажба на дрвни сортименти без претходно спроведена постапка.

— реклама —

— реклама —

Како што наведува МВР, договорите биле склучени без однапред утврдени критериуми и без обезбедување транспарентен и конкурентен избор на правно лице.

Со ваквото постапување, според пријавата, на правно лице од велешко му била овозможена противправна имотна корист во износ од 3.422.592 денари.