МВР информира дека СВР Битола поднела кривична пријава против Б.Ѓ.(40) од Демир Хисар поради сомнение за сторено кривично дело „посебни случаи на фалсификување исправи“.
Според полицијата, пријавениот во март 2024 година, како професор-приправник во средно училиште во Демир Хисар, го фалсификувал потписот на својот професор-ментор.
Тој наводно потписот го ставил на „Извештај за совладување на основните професионални компетенции на наставникот-приправник и неговата подготвеност за полагање на стручниот испит“, по што документот го заверил како вистинит и го доставил кај секретарот на училиштето.
