Надворешната канцеларија за криминалистички работи Гостивар поднесе кривична пријава против У.З. (74) од селото Ѓурѓевиште, општина Врапчиште, поради сомнение за сторено кривично дело „насилство врз дете“.
Според информациите од Министерството за внатрешни работи, инцидентот се случил на 1 јуни 2026 година во селото Неготино, гостиварско, во комбе кое вршело превоз на патници.
Пријавениот, според наводите, физички нападнал 16-годишно дете кое се наоѓало во возилото.
По преземените мерки и целосното документирање на случајот, против 74-годишникот е поднесена кривична пријава до надлежното обвинителство.
