СВР Штип поднесе кривична пријава против Д.Г. (45) од Штип поради сомнение за сторено кривично дело „злоупотреба на лични податоци“.
Според информациите од Министерството за внатрешни работи, пријавениот без знаење и согласност на својот татко ги искористил податоците од неговата лична карта и на 8 август 2025 година аплицирал за онлајн кредит во финансиско друштво.
Со злоупотребените лични податоци бил одобрен кредит во износ од 15.000 денари.
По преземените активности и документирањето на случајот, СВР Штип поднесе кривична пријава против осомничениот.
