Неготинската полиција поднесе кривична пријава против 57-годишник од селото Долни Дисан, откако при претрес во неговиот дом била пронајдена поголема количина на пиротехнички материјал.
– На 24.12.2018 година полициски службеници извршиле претрес во домот на пријавениот во село Долни Дисан, при што пронашле и одзеле 3.065 парчиња разновидни петарди и 14 парчиња пиротехнички средства за огномет, кои ги купил во Скопје од непознато лице, информираат од Министерството за внатрешни работи.
