Тропна ли кризата и на вратата од странските автомобилски компании во државата? Со оптимизација на производството и рационализација на трошоците, странските компании од автомобилската индустрија во земјава ќе се обидат да го амортизираат ударот од рецесијата на глобално ниво.
-По растот од 28 години во Кина оваа година има намалување помеѓу 12 и 13 отсто во продажбата на возила, во Индија тоа намалување е уште подрастуично и изнесува од 25 до 30 отсто во продажбата на месечно ниво во однос на минатата година. Оние земји кои беа главните двигатели во зголемување на побарувачката на автомобили БРИКС земјите имаат една целосна инверзија. Бразил беше единствената земја каде што се продаваа помалку возила сега таму се продаваат повеќе возила, додека во Кина, Русија, Индија и Јужна Африка намалувањето е драстично. Најмногу погодени се премиум производителите на возила каде има поголем пад на продажбите, вели претседателот на Асоцијацијата, Виктор Мизо.
Според него, причините за ваквиот пад на продажбата е глобалната трговска војна помеѓу Кина и САД, потоа несигурноста во врска со тоа што ќе се случи со Брегзит, регулативата околу емисии на јаглерод диоксид, регулативите за електрификација, економското успорување на некои светски економии и другите алтернативи за возила.
Но, ова, според Мизо, не значи и дека некој од компаниите во земјава ќе отпушта вработени.
