Со 83 гласови „за“, 2 „против“ и без воздржани, беше донесен новиот Деловник на Собранието. Собранискиот спикер, Талат Џафери констатираше дека тој е донесен со мнозинство гласови. На седницата беа отфрлени неколкуте амандмани на Лавица, а над 1400 не беа ниту дискутирани бидејќи не биле комплетирани.
Седницата помина тензично. Пратениците на Левица, Борислав Крмов и Димитар Апасиев жестоко се спротиставија на новиот Деловник. Тие тврдеа дека со неговото носење, шверцерски ќе се носат закони со скратени рокови, а опозицијата ќе нема никаква улога.
Во Собранието имаше и кршење на собраниската опрема.
(Видео) Продолжи драмата во Собрание, Апасиев ја соблече чевлата за да става „печат“ на амандманите
Пратеникот на Левица, Димитар Апасиев, ја соблече чевлата и со неа лупаше на говорницата, симулирајќи ставање на печат на амандманите кои се отфрлени. Тој кажа дека тоа го прави по примерот на експретеседателот на Америка, Џорџ Буш.„Да не се осеќате повредени, дека некои се со печат или без печат – еве јас како Џорџ Буш со чевлата ќе ставам печат. Еве ви го Жан Моне процесот, по сите шверцерски стандарди. Вие како слуга на ДУИ, одлично го направивте процесот“, кажа Апасиев.Сите амандмани кои беа дадени од Апасиев, ги зема потпретседателот Горан Мисовски.
Македонија | пред 2 години
