Крсте Шајноски избран за претседател на Агенцијата за супервизија на осигурувањето

Собранието со 55 гласа „ЗА“ го избра Крсте Шајноски за претседател на Советот на експерти на Агенцијата за супервизија и осигурување. На оваа позиција Шајноски доаѓа од позицијата вонреден професор од Институтот за бизнис и економија. Шајноски е доктор и магистер по економски науки и дипломиран економист во областа Финансии и банкарство, а поседува и лиценци за брокер и инвестиционен советник.

— реклама —

Тој е вонреден професор на постдипломските студии на Институтот за бизнис и економија и консултант на Илирика фунд менаџмент АД Скопје.

— реклама —

Претходно бил консултант на осигурителните друштва Кроација, но и доцент на Економскиот факултет во Штип. Тој бил ангажиран и во Македонскиот институт за медиуми и во Високата школа за медиуми како предавач и професор. Работел и како инвестициски советник и како новинар во ТВ Телма.

— реклама —

Шајноски ќе го замени Климе Попоски на челната позиција во Советот на експерти на Агенцијата за супервизија на осигурување во следните пет години.

— реклама —

Покрај Шајноски, беше избран и Злате Симоновски како член на советот на експерти на оваа регулаторно тело.