Крвава тепачка меѓу осум лица во Баница, четворица завршиле со тешки повреди

Четири лица се здобиле со тешки телесни повреди во физичка пресметка меѓу жители на струмичкото село Баница, што се случила во неделата вечерта, соопшти Министерството за внатрешни работи.

— реклама —

Настанот бил пријавен во СВР Струмица на 11 октомври, а според пријавата, тепачката избувнала околу 22:30 часот во дворот на куќа во селото.

— реклама —

Во пресметката учествувале Р.М. и К.М. од една страна, и П.С., М.С., Т.С. и уште три лица со иницијали С.С. од друга страна. Според информациите на МВР, учесниците си нанеле повреди по главата и телото со различни предмети.

— реклама —

Повредените биле пренесени во Медицинскиот центар во Струмица, каде што кај Р.М., К.М., Т.С. и М.С. биле констатирани тешки телесни повреди.

— реклама —

Предметите што биле користени во пресметката се пронајдени и одземени. За случајот е известен јавен обвинител, а полицијата презема мерки за целосно расчистување на настанот.