На 16 јуни околу 22:11 часот на улицата „Доне Божинов“ во Куманово, полициски службеници од СВР Куманово го лишиле од слобода М.М. (21) од Куманово, откако бил затекнат како управува возило под дејство на алкохол.
При сообраќајна контрола, полицајците сопреле патничко возило „БМВ“ со кумановски регистарски ознаки, кое го управувал 21-годишникот. По извршените проверки било утврдено дека возачот имал 1,55 промили алкохол во крвта.
Од МВР информираат дека по целосното документирање на случајот против него ќе биде поднесен соодветен поднесок.
