По вчерашната реакција на министерот за здравство Венко Филипче дека има доволно тестови и термини за тестирање за корона во државните институции, со нова реакција се јави докторот Ненад Лазаров, специјалист од Скопје.
„На дневна база има повеќе тестови направени "на приватно" отколку "на државно" за време на цела пандемија, евидентно но несоодветно потенцирано, а рефлектира огромен проблем. Апелирам медиумите кои се грижат за народов, тоа да го потенцираат и објавуваат со секоја дневна статитиатика, бидејќи министерот рече дека има доволно тестови а матичните лекари молат за тестови цело време и зошто ако не си имал потреба и искуство по изјавата на министерот испаѓа дека ние сме лудаци кои не знаат што зборуваат... Јас моите пациенти не ги лажам, тестови нема, нема доволно ни приближно, исклучително ретко се случува да закажеш тест а чекање по неколку дена е неприфатливо.
Цела пандемија ја пратија од свој џеб луѓето, срам да ви е“, напиша доктор Лазаров.
