СВР Тетово поднесе кривична пријава против 33-годишна жена од селото Дебреше, гостиварско, поради сомнение дека со измама од својот партнер од Косово добила 18.000 евра.
Според МВР, Е.Р. го довела партнерот во заблуда дека е бремена и дека детето е негово. Верувајќи во тоа, тој во неколку наврати преку брз трансфер на пари ѝ испратил вкупно 18.000 евра.
Подоцна, според пријавеното, жената признала дека го лажела дека детето е негово со цел тој да ѝ испраќа пари.
Против неа е поднесена кривична пријава за „измама“.
