СВР Штип поднесе кривична пријава против Б.Х.Ј.(45) од Штип поради сомнение за сторени кривични дела „лажно претставување“, „одземање на моторно возило“ и „тешка кражба на дрзок начин“.
Според МВР, на 9 март 2025 година на улицата „Рибник“ во Штип, пријавениот запрел патничко возило „пежо“, сопственост на правен субјект, при што лажно се претставил како полициски службеник и го одзел возилото, по што го напуштил местото.
Истиот ден, на улицата „Сутјеска“, додека го управувал одземеното возило, пријавениот застанал до едно женско лице, физички ја нападнал и ѝ го одзел кучето.
По преземените мерки и активности, против него е поднесена соодветна кривична пријава.
