Во однос на презентираните идеи во јавноста за намалување на економските последици од кризата предизвиката од Ковид-19, ЛДП истакнува дека постојат и други економски мерки и можности кои би можеле да се применат во Македонија, согласно најавите и искуствата во Европските земји, се вели во соопштението од ЛДП.
ЛДП смета дека не е време за поентирање, туку секој да го даде својот придонес со конструктивни идеи за доброто на граѓаните.
Економскиот тим на ЛДП ги разгледува сите можности и за брзо време ќе даде свои предлози во насока на ублажување на економските последици од кризата.
Сите предлози кои доаѓаат од стручната јавност Владата со сериозност треба да ги разгледа без да избрзува и да носи одлуки под притисок на политичките партии кои може само да сугерираат и предлагаат.
Владата како орган кој ја има одговорноста треба да одлучи што е она што е можно и отимално во земјата. Ова е државна криза во која придонесот на сите е добредојден и која ќе ја надминеме заеднички, се вели во соопштението од ЛДП.
фото: Архива
