Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

Летна академија на „Танец“

Скопје1.мк's avatar
Автор: Скопје1.мк

објавено пред 4 години -

Магазин
Tanec

„Летна академија Танец“ е најновиот проект на националниот ансамбл „Танец“ кој до 18 јуни ќе се реализира на брегот на Охридското Езеро.

— реклама —

„Танец“ како еден од најзначајните национални репрезенти на музичкиот и музичко-сценскиот фолклор, препознатлив по својата автентичност и професионалност во секој свој сегмент, преку летната академија ќе биде дел од фолклорната едукација на идните генерации.

— реклама —

Летната академија „Танец“ е проект кој подразбира теориска и практична работа фокусирана врз изучување на народните игри, инструменти и песни од репертоарот на ансамблот, запознавање со целиот процес на нивното изворно создавање и егзистирање на теренот, собирање и трансформирање во уметничка сценска творба. Исто така, учесниците ќе можат низ придружните работилници да се запознаат и со технологијата на изработка на традиционалните инструменти, како и со спецификите на облековните елементи на народните носии. Предавачи се врвните професионалци вработени во Танец, етнокореолозите и играорци Катерина Кузмановска и Марјан Андоновски, како и надворешните стручни соработници од областа, етномузикологот проф. д-р Родна Величковска од Институтот за фолклор „Марко Цепенков“ и етноорганологот проф. д-р Горанчо Ангелов од Факултетот за музичка уметност на Универзитетот „Гоце Делчев“ во Штип.

— реклама —

Неколкудневна програма, која првата година е бесплатна за учениците од Насоката за традиционална музика и игра при ДМБУЦ „Илија Николовски – Луј“, ќе биде значајна дополнителна настава за музичкиот и музичко-сценски фолклор.

— реклама —

„Летната академијата Танец“ е проект од годишната програма на НУ „Танец“, кој се реализира со финансиска поддршка од Министерството за култура.

Сподели

Сподели
Сподели
Сподели
Сподели
Сподели
Сподели
Сподели како слика
Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања