Лишен од слобода сторителот кој денеска опожари две возила пред Бугарската амбасада

Полицијата го пронашла и привела осомничениот за денешното опожарување на две службени возила во сопственост на Амбасадата на Република Бугарија во Скопје.

— реклама —

Како што соопшти МВР, веднаш по пријавата за пожарот, која била примена денеска во 12:13 часот, СВР Скопје презело интензивни мерки и активности за расчистување на случајот.

— реклама —

Во краток временски период бил идентификуван и пронајден И.Д. (44) од Скопје, за кого постои основано сомнение дека е сторител на делото. Тој е лишен од слобода и задржан во полициска станица.

— реклама —

При преземените дејствија била пронајдена и облеката што осомничениот ја носел во моментот на извршувањето на делото.

Од МВР информираат дека во координација со надлежен јавен обвинител се преземаат дополнителни мерки за целосно расчистување на случајот, по што против лицето ќе биде поднесена соодветна кривична пријава по итна постапка.