Возач прегази пешак во Скопје и побегна, полицијата го уапси

Деветнаесетгодишен скопјанец е лишен од слобода откако, според информациите од Министерството за внатрешни работи, со автомобил удрил пешак во Скопје и го напуштил местото на сообраќајната несреќа.

— реклама —

Од МВР информираат дека станува збор за Н.Н. (19) од Скопје, кој се сомничи дека на 5 август околу 21:20 часот, на крстосницата меѓу улиците „Борис Сарафов“ и „Крсто Раковски“, управувајќи патничко возило „фиат пунто“, удрил во 48-годишната А.С.К. од Скопје, по што избегал.

— реклама —

— реклама —

Во несреќата жената се здобила со тешки телесни повреди, кои биле констатирани во Градската општа болница „8 Септември“.

— реклама —

По извршениот увид, полициски службеници веднаш презеле мерки за пронаоѓање на возачот и возилото. По насоки на јавен обвинител, осомничениот е задржан во полициска станица, возилото е одземено, а по целосно документирање на случајот против него ќе биде поднесена соодветна кривична пријава.