Генералниот секретар на СДСМ, Љипчо Николовски, е избран за шеф на изборниот штаб на владеачката партија за предвремените парламентарни избори што треба да се одржат на 12 април.
Централниот одбор ја задолжи заменик претседателката на партијата Радмила Шекеринска да ги координира активностите за новата изборна програма на партијата за изборите. Притоа е оценето дека клучните столбови од Програмата на СДСМ за само 2.5 години се реализирани и дека тоа, како што смета оваа партија, е вистинскиот пат по којшто треба да се движи државата.
