Лукашенко: Ако падне Белорусија, непријателот ќе биде блиску до Москва

Претседателот на Белорусија, Александар Лукашенко, изјави дека е „неприфатливо“ Русија да ја изгуби Белорусија, нагласувајќи ја стратешката важност на сојузништвото меѓу двете земји.

— реклама —

„Ние сме нивни најблиски сојузници. Губењето на Белорусија денес е неприфатливо за Русија. Тоа значи дека непријателот ќе биде во Смоленск, блиску до Москва“, изјави Лукашенко, пренесува белоруската агенција Белта.

— реклама —

— реклама —

Тој додаде дека Белорусија и Русија имаат правни обврски за заемна одбрана, потенцирајќи дека Москва ќе ги искористи своите капацитети за заштита на Белорусија во случај на агресија.

Изјавата доаѓа во контекст на зголемени геополитички тензии, при што Минск повторно ја истакнува својата блиска воена и политичка поврзаност со Кремљ.