Старите општински усисувачи во Карпош, кои подолго време не биле во употреба, повторно се ставени во функција, информира градоначалникот на Општина Карпош, Сотир Лукровски.
Како што објави Лукровски, машините ќе се користат за поефикасно чистење на јавните површини, особено за отстранување на паднати лисја и ситни отпадоци. Според него, нивната повторна употреба треба да придонесе и за олеснување на работата на вработените во комуналниот сектор.
Лукровски упати благодарност до компанијата „Брако“ за поддршката и помошта при повторното ставање во функција на усисувачите.
