Сабина Туорто уште од септември 2017 година не знае каде е незината ќерка Корина Сласер (20) за која верува дека е жртва на трговија со бело робје. Корина исчезнала во 2017 година во Њујорк и оттогаш нема комуникација со семејството.
Неодамна на Инстаграм се појавила фотографија од маж кој е обвинет за сексуална трговија со луѓе, кој е заедно со две девојки. Една од нив личи на Корина. На сликата изгледа малку поинаку бидејќи има потемна боја на косата и е многу послаба.
https://www.facebook.com/missingcorinnaslusser/posts/326393104845092
Мајката смета дека тие ја натерале таа да го промени изгледот со цел ни најблиските членови на семејството да не можат да ја препознаат.
„Јас сум нејзина мајка. Знам како таа изгледа и можам да ја препознаам. Ја облекле поинаку и и го промениле изгледот. Тоа не е нејзин стил на облекување, секогаш внимаваше на нејзината коса и шминка“, вели Сабина.
Минатиот месец ФБИ го уапси Ишиј Вониј, момчето од фотографијата за кој има сомнение дека преку интернет нудел сексуални услуги „посебна ноќ со две девојки“.
„Да може сигурно би ми се јавила. Некој ја контролира. Не знам што и направиле, дали ја дрогирале или е психички нестабилна. Само знам дека не е своја“, вели нејзината мајка.
