Македонската режисерка Тамара Котевска освои Гран-при на британските награди „Гриерсон“ за „Приказната за Силјан“

Македонската режисерка Тамара Котевска освои едно од најзначајните британски признанија за документарен филм, Гран-при наградата за најдобар кинодокументарец на годинашното доделување на „Гриерсон“ (Grierson British Documentary Awards) во Лондон.

— реклама —

Наградата ја доби за филмот „Приказната за Силјан“, во продукција на National Geographic Documentary Films и Dogwoof. Признанието се смета за едно од највлијателните во британската документарна кинематографија и често се нарекува „британски Оскар за документарци“.

— реклама —

Со ова достигнување Котевска продолжува да бележи меѓународни успеси, по претходните признанија за „Медена земја“ и неодамнешното освојување на наградата „Зелен Оскар“ (Wildscreen Panda Award).

— реклама —

Меѓу досегашните добитници на наградите „Гриерсон“ се оскаровците Асиф Кападија, Алекс Гибни и Кевин Мекдоналд, како и Вернер Херцог, Луј Теру и Дејвид Атенборо.

— реклама —

„Вредноста на ‘Приказната за Силјан’ продолжува да се потврдува и по цела една година исполнета со награди, а ние очекуваме уште многу нови признанија и во наредниот период. Искрено, немам и што повеќе да кажам со зборови, освен дека овој филм го носи моето срце и целата моја страст кон седмата уметност“, изјави Котевска.