Македонски државјанин загина откако се преврте со камион и се запали кај Лесковац

Тешка сообраќајна несреќа се случила во текот на ноќта на автопатот кај Лесковац, Србија, во која животот го загубил македонски државјанин.

— реклама —

Според информациите од полицијата во Лесковац, несреќата се случила околу 1:50 часот по полноќ, кога камионот со кој управувал возачот се превртел, по што избувнал пожар.

— реклама —

На местото пристигнале противпожарни и спасувачки екипи, кои интервенирале за гаснење на огнот и пребарување на возилото.

— реклама —

По локализирањето на пожарот, пожарникарите при пребарувањето на кабината го пронашле безживотното тело на возачот.

Засега нема информации за причините и околностите под кои се случила несреќата. Надлежните служби продолжуваат со утврдување на деталите за случајот.