Македонските фудбалери со Даунов синдром се балкански шампиони: тимот на ФК „Карпошово“ освои прво место на Балканското првенство

Фудбалскиот тим ФК „Карпошово“, составен од спортисти со Даунов синдром и лесна интелектуална попреченост, оствари голем успех, освојувајќи го првото место на Балканското првенство во фудбал за спортисти со Даунов синдром и интелектуална попреченост, кое се одржа од 2 до 4 октомври во Софија, Бугарија.

— реклама —

Со своето претставување ја освои балканската титула и уште еднаш покажа дека спортот создава можности за сите, без разлика на индивидуалните предизвици.

— реклама —

Преку проектот „Фудбал за сите деца“, на децата и младите со интелектуална попреченост им се овозможува да бидат дел од фудбалските активности, да ги унапредуваат своите вештини и да учествуваат во спортската заедница под еднакви услови.

Работата на ФК „Карпошово“ се реализира со поддршка на Фудбалската федерација на Македонија (ФФМ) и Фондацијата на УЕФА за деца. Преку овие активности се поттикнуваат инклузијата и социјалната интеграција, а спортот се користи како начин за создавање еднакви можности и поголема вклученост.

— реклама —

Освоеното прво место во Софија е значаен успех за фудбалерите на „Карпошово“ и уште една потврда дека со посветеност, тимска работа и соодветна поддршка можат да се постигнат големи резултати.

Честитки до ФК „Карпошово“ за освоената балканска титула!