Mакрон во дводневна посета на Србија

Францускиот претседател, Емануел Mакрон, денеска ќе пристигне во дводневна посета на Србија со намера да покаже дека Париз сè уште е значаен играч на светската политичка и безбедносна сцена, оценуваат белградските медиуми.

— реклама —

Белград ќе го дочека Макрон по неговата неодамнешна не толку оптимистична порака дека не го поддржува проширувањето на Европската Унија додека таа не достигне внатрешна консолидација.

— реклама —

Макрон ќе се сретне со претседателот на Србија, Александар Вучиќ, а една од темите на дневен ред на средбата ќе биде проблемот со Косово, а медиумите во Белград јавуваат дека на официјален Париз не му смета размена на територии или менување на гранични линии, ако Белград и Приштина се договорат за тоа и регионот го прифати тоа решение.

Се очекува да бидат потпишани 20 билатерални договори.

— реклама —

Макрон трбаше да ја посети Србија во декември лани, но неговото доаѓање беше одложено поради протестите на жолтите елеци ширум Франција.

Медиумите во Белград и Париз нагласуваат дека посетата на Макрон е прва посета на француски претседател во Србија од времето на Жак Ширак во 2001 година.