Температурните промени на зглобот би можеле да дадат индикации за ризик од метаболички нарушувања и прекумерна телесна тежина, покажале истражувачи од Државниот медицински универзитет во Тјумен.
Научниците развиле метод за проценка на потенцијалните ризици од метаболички нарушувања, кој се заснова на анализа на температурата на зглобот. Според нивните наоди, малите промени во температурата се поврзани со зголемена веројатност за развој на метаболички нарушувања и прекумерна телесна тежина.
Кај здравите луѓе се забележуваат предвидливи промени во телесната температура во распон од еден до два степени. Отстапувањата од овој ритам, според истражувачите, би можеле да укажуваат на почетни нарушувања во метаболичките процеси.
Резултатите од мерењето на температурата на зглобот би можеле да се користат и за проценка на ризикот од дебелина. Мерењата биле спроведувани во период од најмалку една недела, при што биле бележени и податоци за физичката активност на испитаниците.
