Тешка сообраќајна несреќа се случила во текот на ноќта на улицата „Младинска“ во Струмица, при што тешко бил повреден 17-годишен мотоциклист.
Според информациите од МВР, несреќата била пријавена во 01:51 часот, а во неа учествувале патничко возило „фиат 500“, со струмички регистарски ознаки, управувано од Ј.М.В. од село Просениково, и мотоцикл управуван од 17-годишен малолетник од Струмица.
Во судирот мотоциклистот се здобил со тешки телесни повреди. Повреден бил и малолетниот сопатник кој се наоѓал на мотоциклот. Двајцата биле пренесени во Медицинскиот центар во Струмица, каде што им биле констатирани повредите.
Увид на местото извршила увидна екипа на СВР Струмица.
