Малолетник од гостиварско, управувајќи четирицикл без возачка дозвола, учествувал во сообраќајна незгода со патничко возило, по што го напуштил местото на настанот.
Од МВР информираат дека случајот бил пријавен на 13 август во Полициското одделение за безбедност на патниот сообраќај Гостивар. Мајката на малолетникот, 41-годишната В.С. од село Дебреше, пријавила дека незгодата се случила на 12 август на патот Гостивар–село Градец.
Според пријавеното, нејзиното малолетно дете го управувало четирицикл без да поседува возачка дозвола, а по сообраќајката го напуштило местото.
По пријавувањето, мајката го донела четирициклот во полициска станица. По насоки на јавен обвинител, возилото е одземено.
По целосното документирање на случајот, ќе следува соодветен поднесок.
