Шеснаесетгодишен малолетник од селото Радуша е лишен од слобода откако без возачка дозвола управувал автомобил и излетал од патот во тетовско, соопшти Министерството за внатрешни работи.
Според информациите од МВР, на 21 јули околу 9:20 часот, полициски службеници од СВР Тетово го привеле малолетникот во селото Јегуновце. Претходно, тој управувал патничко возило „Фолксваген Голф“ со германски регистарски ознаки, без да поседува возачка дозвола, при што излетал надвор од коловозот.
Од МВР информираат дека возилото е одземено, а по целосно документирање на случајот против малолетникот ќе биде поднесена соодветна пријава.
