Жена од Скопје пријавила дека таа и нејзиниот поранешен сопруг биле физички нападнати од нивниот малолетен син во семејниот дом во општина Гази Баба, информира Министерството за внатрешни работи.
Случајот бил пријавен на 5 септември во 09:00 часот во СВР Скопје. Според пријавата, малолетникот, кој има здравствени проблеми, физички ги нападнал двајцата родители, а притоа искршил и дел од покуќнината.
Од МВР информираат дека се преземаат мерки за целосно расчистување и документирање на случајот.
