Четиринаесетгодишно момче било физички нападнато и изложено на закани со остар предмет на подрачјето на Бит Пазар во Скопје.
Од МВР информираат дека случајот бил пријавен на 28 септември во 00:30 часот во СВР Скопје од таткото на малолетникот, 34-годишниот М.И. од Скопје.
Според пријавеното, инцидентот се случил околу 21:20 часот, кога малолетно лице, кое било заедно со други лица, физички го нападнало 14-годишникот и му упатувало закани со остар предмет.
Од полицијата преземаат мерки за расчистување на случајот.
