Малолетник од Боговиње случајно застрелал 15-годишник во стомакот

Петнаесетгодишно момче од тетовското село Боговиње било донесено во Клиничкиот центар во Тетово со прострелна рана во пределот на стомакот, откако од пиштол бил испукан куршум во селото, информира Министерството за внатрешни работи.

— реклама —

Според информациите од МВР, на 24 октомври 2026 година, во 14:10 часот, во СВР Тетово било пријавено дека малолетникот бил донесен во болницата со прострелна рана.

— реклама —

Подоцна, во Полициската станица Тетово се пријавиле С.М. (42) и неговиот 16-годишен син, двајцата жители на Боговиње. Тие предале пиштол со една празна рамка.

Според изјавата на 42-годишникот, настанот се случил околу 13:45 часот во Боговиње, кога, како што навел, од невнимание дошло до испукување на еден куршум од пиштолот што го носел неговиот малолетен син.

— реклама —

На местото бил извршен увид во присуство на јавен обвинител од Основното јавно обвинителство Тетово и претставници на Центарот за социјална работа Тетово.

Од МВР информираат дека малолетникот е задржан за понатамошна постапка и дека се преземаат мерки за целосно расчистување на случајот, по што ќе следува соодветна пријава.